Presidenti i Serbisë, Aleksandër Vuçiç do të mbërrijë këtë të hënë në Tiranë, në kuadër të takimit të radhës për nismën “Ballkani i Hapur”.
Në një letër të hapur, kryeministri Edi Rama, Vuçiç dhe kryeministri i Maqedonisë së Veriut, Zoran Zaev nënvizojnë se nisma mbetet e hapur për të gjitha vendet e Ballkanit Perëndimor.
Udhëheqësit theksojnë se vizioni i tyre është të kapërcejnë barrierat sociale, ekonomike dhe tregtare që ngadalësojnë rritjen ekonomike të rajonit përmes realizimit të katër lirive themelore të BE-së.
Ndërkohë, ish-kryeministri Sali Berisha ka paralajmëruar protesta. Ai ka ftuar mbështetësit e tij që të tubohen para kryeministrisë në orët e pasdites, për të kundërshtuar nismën që sipas berishës i shërben vetëm interesave të Serbisë.
