Ish-kryeministri Sali Berisha vijon të akuzojë Ramën për nismën “Ballkani i Hapur”, në kushtet kur Serbia nuk e ka dënuar agresionin rus ndaj Ukrainës, si dhe ka kundërshtuar sanksionet ndaj Moskës.

 

Në një takim me qytetarët e Vorës, lideri historik i të djathtës u shpreh se Rama ka marrë pasaportën e zezë të antishqiptarit.

 

“Ka një luftë në zemër të Europës, Rusia ka sulmuar fqinjin e vet, Ukrainën. Edi Rama vazhdon akoma mbron ‘Ballkanin e Hapur’ të kryesuar tërësisht nga Serbia. Serbia jo që s’ka dënuar agresionin ndaj Ukrainës, përkundrazi ka kundërshtuar pezullimin e Rusisë nga KiE, përkundrazi shprehet e hapur ndaj saj. Dhe Edi Rama që do të na thoshte ne gjatë vizitës së tij në Uashington se Rusia nuk është armiku ynë. Por nëse nuk është Rusia armiku ynë, mbi tokë nuk ka armik më të madh për ne se Rusia. E tillë ka qenë në shekuj dhe është përpjekur me pushtetin e saj që t’i bëjë çdo të zezë Shqipërisë dhe shqiptarëve kudo që janë. Çdo votë për Edi Ramën është absolutisht votë kundër idealeve tuaja, kundër dinjitetit tuaj, kundër karakterit tuaj. Nuk votohet një njeri që vetëm urren, një njeri i cili ka fituar pasaportën e zezë të antishqiptarit”, u shpreh Berisha.

Leave a Reply

Your email address will not be published. Required fields are marked *