Kryetari i Grupit Parlamentar të Partisë Socialiste Taulant Balla këtë të shtunë ka qenë në Përrenjas ku ka zhvilluar një takim me mbështetësit e Partisë Socialiste.
Në këtë takim Balla shoqërohej nga Ministri i Turizmit dhe Mjedisit Blendi Klosi, ku kanë prezantuan kandidatin socialist Nuri Belba.
Në fjalën e tij kreu i Grupit parlamentar socialist ka deklaruar se PS nuk e ndryshon datën e zgjedhjeve, që do të mbahen më 30 qershor. Ai shtoi se ky është detyrim kushtetues.
“Partia Socialiste ka marre besimin e shqiptarëve për të bërë shtet. Shteti fillon nga respektimi i Kushtetutës dhe i ligjeve nga të gjithë. Zgjedhjet me 30 Qershor janë detyrim Kushtetues. Askush nuk mund te dalë mbi Kushtetutën. Ligji jep ndërshkim shembullor për këdo që do të guxojë të cënojë zgjedhjet. Edi Rama do të marrë në vitin 2021 mandatin e tretë qeverisës”.
