Kreu i Grupit Parlamentar të Partisë Socialiste, Taulant Balla, ka uruar festën e Krishtlindjeve nga qyteti i Lushnjes.
Balla se bashku me kryetaren e Bashkisë, Eriselda Sefa, dhe deputetet e Lushnjes, vizituan Kishat Katolike dhe Ortodokse te qytetit duke ndarë edhe një urim për të gjithë besimtarët e krishterë e të gjithë shqiptarët.
Drejtuesi politik i PS qarkut të Fierit tha se në ditët e festave, të gjithë duhet të solidarizohen me ata që kanë më shumë nevojë.
“I bashkohem të gjitha urimeve për këtë festë të bukur Krishtlindjesh. Siç e kemi zakon ne shqiptarët, kjo festë nuk festohet vetëm nga të krtishterët por nga i gjithë pupulli. Përfitoj nga rasti duke qenë se jam në Lushnje, të uroj popullin e Lushnjen e të gjithë popullin shqiptar. Ta gëzojmë këtë festë. Është një festë jo vetëm e lindjes së Krishtit por sikurse e tha dhe kryetarja, është një momenet kur secili prej nesh duhet të ndjehet më shumë përgjegjës për të garantuar solidaritet me ata që kanë më shumë nevojë. Prandaj kjo festë është e të gjithë komunitetit e besoj që më shumë solidaritet i bënë më mirë shoqërisë tonë.”– tha Balla.
Një urim për të gjithë besimtarët e krishterë bëri edhe kryetarja e Bashkisë, Eriselda Sefa e cila shtoi se Krishtlindja dhe çdo feste fetare eshte moment reflektimi per te qene solidare me më të pamundurit.
“Sot është një ditë e shënuar për të gjithë besimtarët e krishterë. Këto ditë festash shërbejnë edhe si ditë reflektimi për më shumë dashuri për njëri-tjetrin por edhe për të zgjuar ndjenjën e solidaritetit e për të ndihmuat të gjithë ata që kanë nevojë. Uroj të gjithë qytetarët e Lushnjes. Gëzuar Krishtlindjet. Shëndeti, paqja e begatia mbizotëroftë në familjet tuaja!”- tha Sefa.
