Kreu i grupit parlamentar të PS, Taulant Balla është takuar sot në Tiranë me deputetin e Bundestagut Adis Ahemtovi

 

Balla ka zhvilluar një komunikim për mediat pas takimit me deputetin e Bundestagut teksa u shpreh se në këtë takim u diskutua për çështje të interesit të dyanshëm.

 

Kemi ftuar për një vizitë në Shqipëri reporterin për Ballkanin Perëndimor në Komisionin e Politikës së Jashtme të Bundestagut në emër të Partisë Social Demokrate Gjermane. Një mik shumë i mirë i Shqipërisë Ahmetovic i cili do të takohet jo vetëm më përfaqësues të Kuvendit të Shqipërisë por edhe me përfaqësues të Qeverisë, të shoqërisë civile, të sipërmarrjes gjermane, që është prezente në Shqipëri, sepse e kemi thënë shpesh që roli kryesor i këtyre shkëmbimeve mes vizitave të anëtarëve të Bundestagut Gjerman është jo vetëm forcimi i bashkëpunimit të shkëlqyer në nivel parlamentar, por edhe rritja dhe mbështetja e prezencës së sipërmarrjes Gjermane në Shqipëri. Gjej rastin ta falenderoj reporterin për Ballkanin Perëndimor në Komisionin e Politikës së Jashtme së Bundestagut për qëndrimin e qartë dhe mbështetjen e plotë në funksion të mbajtjes së Konferences së Parë Ndërqeveritare mes Bashkimit Europian dhe Shqipërisë dhe shpresojmë edhe me Maqedoninë e Veriut duke besuar të dy së bashku që gjatë kësaj jave do të gjendet ose do të plotësohet numri i duhur i mbështetjes në Parlamentin e Maqedonisë së Veriut, në mënyrë që javën e ardhshme të hënën apo të martën të jetë e mundur mbajtja e të dy Konferncave Ndërqeveritare, me Shqipërinë dhe Maqedoninë e Veriut. Kemi diskutuar gjatë takimit çështje të interesit të dyanshëm. Ne vlerësojmë shumë procesin e Berlinit si një proces që ka ndikuar pozitivisht dhe me rezultate konkrete në kuadër të raporteve dhe bashkëpunimit mes vendeve të Ballkanit Perëndimor sikurse në vlerësimin tonë` Ballkani i Hapur` është instrumenti i duhur i cili ka mundësuar që parimet themelore të BE-së sikurse është liria e lëvizjes së mallrave, njerëzve apo kapitaleve të implementohet edhe në rajonin tonë si një instrument i cili ka dhënë rezultate konkrete në ndihmë të sipërmarrësve, qytetarëve dhe të gjithë në rajonin tonë.

 

Balla theksoi gjithashtu se kancelari gjerman është i qartë për procesin e Berlinit dhe ka prioritet anëtarësimin e Ballkanit Perëndimor.

 

 

Dhe në këtë këndvështrim gjej rastin të kujtoj që kancelari Scholz është shumë i qartë në vazhdimin e procesit të Berlinit dhe natyrshëm kancelari Scholz e ka në prioritetet e politikës së jashtme gjermane ecjen përpara në procesin e antarësimit të vendeve të Ballkanit Perëndimor në Bashkimin Europian dhe në fund por që është edhe më e rëndësishmja, në aspektin e komunikimit drejtpërdrejt me zotin Ahmetovic gjej rastin ta falenderoj jo vetëm në emër të Kuvendit të Shqipërisë por edhe në emër të Parlamentit të Kosovës qëndrimin e qartë të zotit Ahmetovic dhe të Kryetarit të delegacionit gjerman në Asamblenë Parlamentare të Këshillit të Europës dhe fjalën në Bundestag në mbështetje të Kosovës.

 

Leave a Reply

Your email address will not be published.