Balla nga Parlamenti: Vota është përgjegjësi, opozita të shohë nga vetja ku ka gabuar, mos ta kërkojë fajin tek kundërshatri.

Kryetari i Grupit Parlamentar të Partisë Socialiste Taulant Balla nga foltorja e Kuvendit është shprehur sot se duhet të marrë fund njëherë e përgjithmonë historia që humbësi e sheh fajin gjithnjë tek kundërshtari.

Balla theksoi se është e rëndësishme që mos të tregohet me gisht vetëm kundërshtari për të justifikuar humbjen, por të shohin nga vetja për të parë se ku kanë gabuar e të gjejnë zgjidhje për përmirësim.

“Historia që në këto vite humbësi e sheh fajin gjithnjë tek kundërshtari dhe asnjëherë nuk bën një analizë të vetën se çfarë ka bërë gabim është e gabuar. Të insistosh në të njëjtin gabim është çmenduri, por le të vazhdojnë të insistojnë”.

Balla nga foltorja i bëri thirrje opozitës që të shkojë në parlament aty ku populli i ka zgjedhur, si dhe theksoi që të vazhdojë bashkëpunimi mazhorancë-opozitë.

“Thirrja ime është që opozita të rikthehet pasi na duhet të punojmë sëbashku për një sërë çështjesh që kërkojnë bashkëpunimin mes mazhorancës dhe opozitës. Vota është përgjegjësi”.