Kryetari i Grupit Parlamentar të Partisë Socialiste Taulant Balla ka përkujtuar sot ditën kur forcat e NATO-s hynë në Kosovë, ditë e cila shënoi edhe çlirimin e saj.
Balla gjithashtu ka shprehur mirënjohje ndaj vendeve anëtare të NATO-s dhe SHBA-ve për ndihmën e dhënë.
“12 Qershor 1999- Forcat e NATO-s hynin në Kosovë duke shënuar kështu edhe ditën e çlirimit. Ne shqiptarët u jemi gjithmonë mirënjohës vendeve anëtare të NATO-s dhe në mënyrë të veçantë SHBA-ve, të cilet morën përgjegjësinë dhe na erdhën në ndihmë.
Ndërhyrja e parë e plotë dhe e vetme deri më tani, ushtarake e NATO-s në tokën europiane, e njohu luftën e Ushtrisë Çlirimtare të Kosovës, që solli si rezultat pavarësinë e Kosovës.
Kjo po ishte Drejtësia që duhej vënë në vend”.
