Drejtuesi politik i Partisë Socialiste të qarkut Fier Taulant Balla së bashku me kryetaren e Bashkisë Patos Rajmonda Balilaj kanë ispektuar sot punimet që po kryhen për rikonstruksionin e Qendrës Shëndetësore në Ruzhdie.
Balla gjatë fjalës së tij theksoi se investimi në këtë qendër shëndetësore është realizuar sipas të gjitha standardeve bashkëkohore si dhe ka theksuar edhe njëherë se Investimi në infrastrukturën e shëndetit publik mbetet fokus i qeverisë.
“Është objektivi ynë që të garantojmë që në qarkun Fier të gjitha qendrat shëndetësore të jenë brenda standardeve bashkëkohore ashtu siç është edhe kjo qendër shëndetësore.
Pjesa më e madhe e qendrave shëndetësore janë të rikonstruktuara, ndërsa një pjesë tjetër vijojnë rikonstruksionin në menyrë që të ofrohet një shërbim sa më i mirë ndaj qytetarëve. Investimi në infrastrukturën e shëndetit publik është investimi më i rëndësishëm dhe në fakt ky ka qenë fokusi i qeverisë në gjithë këto vite”, deklaroi Balla.
