Ministri Ahmetaj dhe kreu I grupit parlamentar socialist Balla u përballën me pyetjet dhe shqetësimet e qytetarëve në Njesinë Administrative Shirgjan në kuadër të turit të llogaridhënies.
Me këmbënguljen e banorëve, të Z. Balla dhe Z. Sejdini, Ministri Ahmetaj pranoi rëndësinë e financimit të rrugës Kuqan-Jagodinë-Bujqës-Muriqan.
Taulant Blla vlerësoi më së shumti rëndësine që ka marrë ecuria e mirë e procesit të Vettingut.
“Para një vit nuk e besonte kush që Prokurori i Përgjithshëm do të ishte subjekt i Vettingut dhe sot besoj e keni ndjekur që Vettingu po shkon në themelet e sistemit të vjetër të drejtësisë, për t’i shkulur nga themelet personat të cilët nuk e meritojnë, në asnjë moment, të jenë pjesë e sistemit të drejtësisë, e për të ngritur kështu një drejtësi të re e cilat të bazohet tërësisht në meritokraci dhe të bazohet tërësisht në drejtësi atij që i takon.Dhe e dyta, ne presim pas pak ditësh një lajm të mirë për Shqipërinë, sic është hapja e negociatave. Hapja e negociatave është e lidhur tërësisht me ecurinë e procesit të Vettingut, Vettingu po ecën mirë dhe detyrat e qeverisë sonë lidhur me implementimin e Reformës në Drejtësi janë realizuar dhe kjo është njohje e të gjithë reformave që kemi bërë në këto 6-7 muaj të parë të mandatin tonë të dytë.”
Sipas Ministrit të Financave, për herë të parë në Shqipëri ka ndryshuar mënyra e qeverisjes dhe qytetarët janë kanë akses direkt dhe konkret në vendimmarrje.
