Kreu I grupit parlamentar i PS, Taulant Balla njoftoi se shumë shpejt socialistët do të bëjnë publike emrat e 61 kandidatëve të bashkive për zgjedhjet lokale të qershorit.
Në një deklaratë për mediat, Balla tha se kandidatët janë përzgjedhur pas konsultimeve publike me qytetarët.
“Ne kemi nisur që para 8 muajsh konsultimet për zgjidhjen e kandidatëve për zgjedhjet lokale. Dua t’ju them se në një pjesë të madhe të territorit procesi është gati i përfunduar dhe shumë shpejt do shpallim kandidatët”
Por krahas këtij njoftimi, Balla I kërkoi PD që të mos I bojkotojë zgjedhjet lokale por t’I përgjigjet vullnetit të votuesve të saj.
Balla njoftoi gjithashtu se brenda ditës së sotme PS do të dorëzojë në KQZ të gjitha listat me kandidatët komisionerë të nivelit të dytë ndërsa u bëri aple partive të tjera që të mos e shkelin ligjin.
“Brenda ditës së sotme do të dorëzojmë në KQZ emrat e anëtarëve të propozuar nga PS për KZAZ. Çdo parti politike ka detyrimin për t’iu përgjigjur afatit të depozitimit. Unë nuk besoj kurrë që PD nuk do marrë pjesë në zgjedhjet lokale dhe besoj se do t’u bindet votuesve të vet për të marrë pjesë në garën për zgjedhjen e kryetarëve të bashkive.”
