Kërcimi nga uji i një balene gjigande është kthyer në një moment makthi për disa turistë që ndodheshin shumë pranë saj me varkë.
Përmes një video të realizuar nga turistët që ndodheshin në një tjetër varkë pranë gjirit Quepos në Kosta Rika, shihet ky moment kur balena “fluturon” lart.
Uji i oqeanit ishte i qetë kur papritur balena kërcen duke shkaktuar një dallgë të madhe që lagu të gjithë turistët. Edhe pse ishin disa sekonda paniku të gjithë filluan duke duartrokitur dhe brohoritur për atë që sapo kishte ndodhur.
