Bajrami në Kosovë e Maqedoni

Edhe ne Kosove, besimtaret myslimane kremtojnë Fiter Bajramin. Ne orët e para te mëngjesit u krye falja e Namazit ne te gjitha xhamitë e vendit dhe pjesëmarrja me e larte ishte ne Xhaminë e Madhe te Prishtinës. Kryetari i bashkësisë islame Naim Ternava, duke përmendur sulmet e fundit terroriste, tha se islami është fe kundër dhunës dhe vrasjes se te pafajshmeve. Fiter Bajrami është festuar edhe nga besimtaret ne Maqedoni. Ne xhaminë “Mustafa Pasha” te Shkupit u mblodhën besimtare te shumte, ndërsa ishte i pranishëm edhe kreu i bashkësisë fetare islame, Sulejman Rexhepi. Ne këtë dite u përcollën mesazhe te solidaritetit mes njerëzve.