Policia e Pogradecit arreston në flagrancë dy shtetas, të cilët pas një konflikti të çastit për motive të dobëta, plagosën rëndë dy persona.

Specialistët e Hetimit të Krimit në Komisariatin e Policisë Pogradec, bënë arrestimin në flagrancë të shtetasit F.Xh, 18 vjeç, si edhe filluan procedimin penal në gjendje të lirë ndaj babait të tij shtetasit B.Xh, 53 vjeç, banues në Pogradec. Sipas njoftimit për shtyp, ngjarja ka ndodhur në lagjen nr 1 në Pogradec.

Policia tha se këta dy shtetas në bashkëpunim mes tyre, pas një konflikti të çastit për motive të dobëta,  kanë goditur me sende të forta dhe grushta shtetasit Sh.S, 57 vjeç dhe K.S, 47 vjeç, (kushërinj) banues në fshatin Baçallëk, Pogradec, të cilët aktualisht ndodhen në Spital nën kujdesin e mjekëve.

Leave a Reply

Your email address will not be published.