“Babalja” shkon në Angli

Akti i ekspertimit të audio-përgjimit të publikuar nga partia demokratike nuk do të kryhet në Itali por në Britaninë e madhe.

Mësohet se pas vonesave në kthimin e përgjigjes së letërporosisë prokuroria shqiptare ka vendosur që ekspertiza të bëhet në Angli por edhe për shkak të disa procedurave të cilat kërkonin më shumë kohë në shtetin fqinj.

Organi i akuzës ka përfunduar veprimet hetimore ndërsa dosja ka mbetur vetëm në ekspertizën e audio përgjimit në të cilën sipas partisë demokratike dëgjohet Albert Veliu duke folur për një ngarkesë hashashi me vëllain e ministrit të brendshëm Fatmir Xhafaj.

Fillimisht prokuroria dërgoi në Itali materialin për të hedhur dritë mbi vërtetësinë e tij ndërsa vetë vëllai i ministrit të brendshëm mohoi se është zëri i tij dhe për këtë bëri kallëzim penal.

Audio-përgjimi u publikua nga partia demokratike e cila kërkoi shkarkimin e ministrit të brendshëm Fatmir Xhafaj. Albert Veliu personi kyç i cili pretendohet se ka kryer përgjimin ka kërkuar azil politik në Kosovë pasi sipas tij në Shqipëri i rrezikohet jeta.