Avokati i Tahirit: Procesi i paragjykuar, kam 7 muaj dëgjoj që dënimin me 12 vite burg

Maks Haxhiu doli para mediave në përfundim të seancës për pretencën ndaj klientit të tij Saimir Tahiri tek Krimet e Rënda.

Haxhia tha se procesi gjyqësor ndaj ish ministrit Tahiri është i paragjykuar dhe i paramenduar.

“ Nuk e kuptoj sesi mund të rivlerësohen nga e para materialet hetimore për Tahirin, të cilat janë marrë në konsiderate dhe janë vlerësuar më herët nga drejtësia italiane.”

Ai shtoi se kishte 7 muaj që kishte dëgjuar se Prokuroria do të kërkonte 12 vite burg për Tahirin.

Megjithatë Haxhia tha se klienti i tij është tejet i përkushtuar për mbrojtjen e vet ne këtë proces.

Pyetjes se gazetareve se cfarë do të bënin nëse Tahiri do të dënohej, Maks Haxhia tha se vendimi do të apelohej me siguri.