“Zgjedhjet brenda dhe jashtë” ishte tema e kësaj të marte në Quo Vadis në Vizion Plus, nën moderimin e Pranvera Borakajt.
Sa i përket votës së diasporës, avokati Altin Kaziaj u shpreh se vendi ynë nuk ishte gati për këtë hap.
Kaziaj tha se votimi me postë ndryshon shumë nga votimi klasik në një dhomë të fshehtë, sepse siç thekson avokati, anëtarët e familjes shohin se cilin kandidat voton secili, çka humb atë që vota është e fshehtë për çdo individ.
Pjesë nga biseda:
Kaziaj: Vota e diasporës ka qenë vullneti i të gjitha partive, por mbi të gjitha të partisë në pushtet. Ka një ndryshim shumë të madh mes votimit me postë dhe votimit klasik, pra në një dhomë të fshehtë, bashkë me komisionin. Si mund të jetë e barabartë një votë kur në një familje prej 5 anëtarësh ju shkon fleta e votimit? Kjo nuk është më votë e fshehtë.
Borakaj: Si mund të realizohej ndryshe?
Kaziaj: Për mendimin tim, Shqipëria nuk ishte gati.
