Pak orë përpara mesnatës, kur skadon afati për regjistrimin e koalicioneve parazgjedhore në Kosovë, LDK është partia e parë që jo vetëm qartëson se me cilat forca do të dalë në zgjedhje, por zyrtarizon edhe kandidatin e saj për kryeministër. Ai është Avdullah Hoti, që mbante postin e ministrit të Financave në qeverinë Mustafa. Vendimin e marrë nga kryesia, Hoti e sheh si përgjegjësi, ndërsa shprehet i bindur se LDK do t’i fitojë zgjedhjet.
“Eshte dita më e madhe e jetës sime, që marr mbështetjen e plotë të të gjitha strukturave të LDK-së. E marrë si përgjegjësi të jashtëzakonshme dhe besoj shumë se me këtë unitet që ekziston në LDK, bashkë me partnerët tanë të koalicionit, ky koalicion do t’i fitojë zgjedhjet e ardhshme pa asnjë hezitim”.
LDK firmosi marrëveshje me “Lëvizja për Drejtësi” dhe “Alternativen”. Nga ana tjetër, dy partitë opozitare, “Aleanca per Ardhmërinë e Kosovës” dhe “Nisma” kane deklaruar se do te hyjne bashke ne zgjedhje. Megjithatë, fraksionit te forte opozitar duket se i eshte shkëputur Lëvizja Vetëvendosje, që mund te garoje e vetme.
Ndërsa Behgjet Pacolli po ben përpjekjen e fundit per ta bashkuar AKR-ne e tij ne nje koalicion me Vetëvendosjen ose me LDK-ne e Isa Mustafes, por deri tani nuk ka asnjë marrëveshje. PDK, ka lidhur marrëveshje per koalicion me dy forca politike te vogla dhe duket se nuk do te kete bashkëpunim parazgjedhor me ndonjë forcë me peshë politike.
Nisur nga ky konfigurim i koalicioneve, pritet qe zgjedhjet te prodhojnë nje rezultat te shpërndare ne nje numër te madh partish e do te nevojitet bashkëpunimi i te pakten dy grupimeve per formimin e qeverise se re.
