Ish-kryeministri i Maqedonisë, Nikolla Gruevski tashmë duhet të përballet me dënimin e dhënë nga gjykata.
Autoritetet kanë nisur lëvizjet e para, por ende nuk është konfirmuar zyrtarisht, por mediat në Maqedoni raportojnë se Shërbimet e Këshillit Penal kanë shkuar në shtëpinë e Nikolla Gruevskit për t’i dorëzuar vendimin.
Pas mbërritjes në shtëpi, të afërmit kanë deklaruar se Gruevski nuk ndodhet në shtëpi, por shërbimet po punojnë për të bërë lokalizimin e ish-kryeministrit.
“Nëse Gruevski nuk gjendet dhe nuk paraqitet në Burgun e Shutkës deri në orën 24:00, shërbimet e këshillit do ta presin seancën gjyqësore të ditës së hënë, ku Gruevski gjykohet për një rast tjetër të Prokurorisë Speciale, për t’i dorëzuar vendimin”, raporton Alsat.
Ndërkohë sipas informacioneve rezulton se nëse edhe këtë herë dështon procesi i dhënies së vendimit, policia ka të drejtë të bëjë arrestimin e Gruevskit.
