Autorët e konfliktit në Durrës në pranga

Arrestohen tre persona, lidhur me plagosjen e ndodhur ditën e djeshme në qytetin e Durrësit, ndërsa një tjetër u shpall në kërkim. Të prangosurit janë, Ervin Qerimi, Eluert Hoxha dhe Elvis Kurti, të tre banues në qytetin bregdetar. Ata u përfshinë ne nje konflikt per motive banale, ku dy prej tyre mbeten te plagosur me pistolete dhe njeri u qellua me thike. Gjithashtu, për ngjarjen u shpall në kërkim nga policia edhe Bekim Gjoka, i cili dyshohet se ka përkrahur autorët e plagosjes. Në vendngjarje, u sekuestruan në cilësinë e provave materiale një plumb dhe tre celulare.