Policia e Vlorës ka finalizuar këtë të enjte operacionin e koduar “Piratët”, ndërsa ka vënë në pranga dy persona dhe dy të tjerë i ka shpallur në kërkim.
Dy persona kanë rënë në prangat e policisë së Vlorës dhe dy të tjerë janë shpallur në kërkim, si autor të disa vjedhjeve të ndodhura në qytetin bregdetar.
Në kuadër të operacionit të koduar “Piratët” është bërë i mundur ndalimi i shtetasve me iniciale M.H., 29 vjeç, E.K., 25 vjeç, me banim në Vlorë, si dhe shpallja në kërkim e A.M dhe L.H
Sipas policisë të rinjtë në bashkëpunim me njëri-tjetrin kanë kryer 12 vjedhje banesash në qytetin bregdetar, ngjarje që kanë ndodhur në periudha të ndryshme kohore.
