Autor i arratisjeve spektakolare/ Gjykata e Tiranës jep mbi 24 vite burg për Ilir Pajën, nuk ekstradohet në Itali

Gjykata e Tiranës vendosi dënimin me rreth 24 vjet e 8 muaj burgim për Ilir Pajën, njohur me nofkën “Ufo”.

Në këtë mënyrë Gjykata e Tiranës njohu vendimin e asaj të Milanos që e akuzon Ilir Pajën për një sërë veprash të rënda penale.

“Ufo” akuzohet nga drejtësia për vrasje, vrasje të mbetur në tentativë, rrëmbim personi, marrëdhenie seksuale me dhunë me të mitura dhe disa vepra të tjera penale.

Ilri Paja është një emër i njohur për drejtësinë. Gjatë kohës që vuante dënimin për vrasjen e një polici, ndonëse në një burg të sigurisë së lartë në shtetin italian, ai arriti të arratisej dy herë.

Në vitin 2017 ai rifitoi lirinë me kusht nga Gjykata e Krujës.