Zgjidhen dilemat e fundit sa i takon skuadrave që kualifikohen për në fazën tjetër të kampionatit europian nga Grupet B dhe C. Këtë të hënë fillimisht zbritën në fushën e lojës skuadrat e Grupit C, ku spikati fitorjas e tretë e Holandës në kampionatin europian.
Tulipanët mundën 3 me 0 Maqedonine e Veriuit dhe e mbyllën grupin në krye me 9 pikë. Golat u shënuan nga Depari dhe dy herë Vijnaldum. Maqedonasit e mbyllën debutimin historik në një kompeticion madhor me zero pikë.
Mirëpo dueli më i fortë në këtë grup këtë të hënë ishte ai mes Austrisë dhe Ukrainës. Fitorja 1 me 0 e Austrisë ishte vendimtare që kjo skuadër të kualifiklohej për më tej pasi mori vendin e dytë me 4 pikë dhe do të luajë të shtunën kundër Italisë.
Ndërsa Ukraina e Shevçenkos ka pak shanse tashmë për tu kualifikuar si një nga të tretat më të mira. Surpriza të në Grupin B. Danimarka, skuadra me më pak shanse është renditur e dyta pas një mbrëmjeje dramatike.
Nordikët mundën 4 me 1 Rusinë dhe përfituan nga fakti që Belgjika mundi 2 me 0 Finlandën. Kësisoj, mes tre skuadrave me nga 3 pikë, ishte Danimarka që kaloi me golavarazh më të mirë sesa Rusia dhe Finlanda.
