Austria është e gatshmë të zbatojë masa të caktuara mbrojtëse në kufijtë e saj, nëse Gjermania miraton kontrolle të rrepta për emigracionin.

 

Sipas deklaratës së qeverisë austriake bëhet e ditur se Vjena është gati sidomos të marrë masa për të mbrojtur kufijtë jugorë, që përfshijnë ato me Italinë dhe Slloveninë.  Ndërkohë Austria nuk jep sqarime në lidhje me masat që mund të marrë.

 

Koalicioni qeverisës i Gjermanisë është i ndarë në çështjen e emigracionit: Partia e kancelares Angela Merkel përkrah një qëndrim më mikpritës ndaj emigrantëve, ndërsa partneri i saj bavarez i koalicionit kërkon kontrolle më të rrepta se kush duhet të lejohet dhe kush jo. Mosmarrëveshjet kërcënonin ta nxisnin zonjën Merkel për të kërkuar një koalicion të ri ose për të thirrur zgjedhje të reja.

 

Ndërkohë marrëveshja parashikon krijimin e qendrave të tranzitit ku do të mbaheshin azilkërkuesit ndërsa bëhet vlerësimi i rasteve të tyre. Nëse zbulohet se kanë aplikuar për azil në një vend tjetër të Bashkimit Evropian, ata do të kthehen në atë vend ose në Austri, në varësi të marrëveshjes me qeverinë austriake.

Leave a Reply

Your email address will not be published. Required fields are marked *