Parlamenti i Australisë, kërë rë enjte ka miratuar ligjin që i jep mundësi qeverisë të parandalojë për dy vite, kthimin në vend të ekstremistëve të dyshuar.

 

Ndërkohë pritet që ligji të hyjë në fuqi pas rreth dy javësh. Ministri i Brendshëm i Australisë, Peter Dutton, tha se riatdhesimet do të shqyrtoheshin rast për rast, veçanërisht aty ku përfshihen fëmijët e vegjël.

 

Organizatat humanitare vlerësojnë se të paktën 50 gra dhe fëmijë australianë janë bllokuar në kampet e refugjatëve, pas humbjes së territorit të grupit ekstremist, të ashtuquajtur, Shtetit Islamik në Lindjen e Mesme.

 

Sipas ligjit, çdo shtetas i dyshuar për ekstremizëm do të ndalohet përkohësisht të kthehet në Australi derisa të merren masat mbrojtëse përmes të ashtuquajturës “leje kthimi”, duke vendosur kushte për hyrjen dhe qëndrimin e personit në Australi.

Leave a Reply

Your email address will not be published. Required fields are marked *