Me mbylljen e zgjedhjeve lokale, kryevëzhguesja e misionit të Odihr, Audrey Glover, takimin e parë e zhvilloi me kryesocialistin Rama.
Në selinë e partisë fituese të vendoreve të majit, Glover qëndroi për rreth 40 minuta. Në fokus të bisedës ishte procesi elektoral, si dhe problematikat që u vunë re nga vëzhguesit.
Ky takim i paraprin publikimit të raportit final të Odihr mbi zgjedhjet vendore.
Në gjetjet paraprake, misioni ngriti si shqetësim përdorimin e administratës shtetërore, intimidimin e votuesve, apo transparencën e pamjaftueshme në financimin e fushatave elektorale.
