Nga pasditja e të hënës 16 shtator, nis një histori e re shumë e vecantë dhe e bukur. Nga producenti i njohur Osman Sinav, regjisori i fenomenit turk Lugina e Ujqërve, vjen një serial që nuk përsëritej në 7 vjet. “Lotë në Detin e Zi” është një serial që arriti 25% të audiencës ose 16,5 milion shikues në vetëm 3 seritë e para. Ndërsa në Youtube kaloi mbi 1 milion abonentë në 2 muaj.
Pas suksesit të këtij seriali qëndron një histori shumë e veçantë. Nefes ishte vetëm 16 vjeç kur i ati vendos t’ia shesë një biznesmeni. Peng i një martese të padëshiruar, së bashku me të birin do të jenë viktima të një dhune sistematike të ushtruar nga i shoqi. Një biznesmen tjetër nga Deti i Zi, udhëton në Stamboll, për arsye pune, bashkë me të vëllain Tahirin. Nefes, shfrytëzon këtë moment për planin e rradhës të arratisjes. Ajo vendos të fshihet së bashku me të birin në bagazhin e makinës se Tahirit por rrugës i zë gjumi dhe në mëngjes e gjejnë veten në Trazbon, Deti i Zi. Tahir zbulon dy të arratisurit pa e ditur se nga ky moment do të nisë një betejë e vështirë për t’i shpëtuar.
Dy protagonistët e dashurisë së vështirë që do të fitojë zemrat e publikut janë Ulaş Tuna Astepe dhe İrem Helvacıoğlu. Ajo është 29 vjeç lindur në Gjermani por me origjinë nga Ankaraja dhe ai është 31 vjec nga Izmiri i Turqise.
Veçori e këtij seriali është se ngjarjet zhvillohen nga një rajon pak i njohur dhe relativisht i egër i Turqisë siç është ai i Detit të Zi. Kjo ka bërë që seriali të kërkohet për t’u shfaqur edhe në rajone të largëta si Kili apo Meksika.
Seriali do te kete premieren këtë të hënë, dhe do t’u shoqëroj në vazhdim çdo javë nga e hëna në të premte në orën 17:00 dhe ritransmetim te nesermen ne oren 10:00. Për të gjithë ata që nuk kanë patur mundësinë ta ndjekin gjatë javës, përmbledhjen e plotë të të gjitha serive do të mund ta shohin çdo të diel, ora 16:30.
