Audicionet e “Tu si que vales”

“Tu si que vales” po afron. Spektakli i talenteve ka nisur audicionet, ne Vizion Plus. Edicioni i dyte premton serish surpriza, magji dhe shumëllojshmëri performancash pasi në vetëm tre dite konkurrentë nga e gjithë Shqipëria, kanë mbërritur në Vizion Plus, për t’u bërë pjesë e spektaklit të madh të talenteve. Interesi është i madh, ndaj edhe shanset për t’u bërë pjesë e “Tu si que vales”, nuk përfundojnë këtu. Për të gjithë ata që mendojnë se kanë një dhunti të veçantë, talent apo pasion për të realizuar ëndrrat e tyre, ekipi i këtij spektakli do t’i presë në audicionet e muajit tjetër. “Tu si que vales” ka vënë në dispozicion të të interesuarve dy adresa elektronike, në mënyrë që ata të mund të bëhen pjesë e këtij formati.