Atletiko e Madridit është fituese e kupës Uefa Europa League, trofeu i trete ne histori per klubin spanjoll. Ne finalen e Lionit e pesta ne 9 vitet e fundit los colchoneros shpartalluan Olimpikun e Marsejës me rezultatin e thelle 3-0.
Protagonist absolut i mbrëmjes Antuan Grizman me dopieten e tij vetëm pak km larg shtëpisë, por nje triumf edhe per Angel Korea i diagnostikuar me tumor ne zemër ne 2014 dhe nje nga me te mirët e ndeshjes, si dhe Fernando Torres i cili var këpucët ne gozhde pikërisht me nje trofe te skuadra e zemrës ku u rrit dhe u formua si lojtar.
Pas nje fillimi te ekuilibruar spanjollet arritën te gjenin rrjetën kur sulmuesi francez Grizman per te cilin tashme Barcelona afron plot 100 milionë euro arriti te mposhte portierin kundërshtar. Goli i dha zemër skuadrës se teknikut Simeone i skualifikuar ne ketë ndeshje qe arriti te vere diktatin ne fushe fale presionit, lëvizjeve te sinkronizuara dhe duke mos i dhëne asnje hapësire kundërshtarit. Ne te kundërt, djemtë e teknikut Garcia nuk arritën te reagonin dhe me fillimin e pjesës se dyte pësuan nje tjetër gol po nga Grizman.
I vetmi rast i rrezikshëm per francezet ishte goditje e Mitroglu i futur shume vone ne fushe qe ne minutën e 81 preku shtyllën kundërshtare, nje minute nga fundi kapiteni Gabi realizoi golin e trete duke kurorëzuar nje makine vrasëse si ajo e Atletikos dhe duke shpërblyer punen e Diego Simeones krijuesi dhe arkitekti edhe pse ne tribune i kësaj skuadrës qe tashme ka hyre ne histori.
