Atletiko e Madridit dhe Bajerni i Mynihut janë dy skuadrat e fundit qe prenë biletën për ne gjysmëfinalet e Uefa Champions League. Ne “Vicente Calderon” ne nje sfide ku parimi i vendasve është te luash një ndeshje si te jete e fundit per te sjelle rënien e perëndive, skuadra e Simeones nxori jashtë loje kampionet ne fuqi te Europes Barcelonës 2-0, ku zemra dhe mendja triumfuan ndaj tika takes, ne nje loje shahu dhe një duel nervash. Përballë nje skuadre agresive, kete radhe katalanasit nuk ishin aspak fluid duke vuajtur mjaft t’i afroheshin zonës kundërshtare. Dhe pas disa rasteve te pashfrytëzuara me Gabi dhe Grizman ishte sulmuesi francez qe ne minutën e 36 qe kaloi ne avantazh skuadrën e tij. Goli i shënuar i dha zemër Altetikos qe ne pjesën e dyte vuri ne loje jo vetëm mendjen, por edhe zemrën per te ruajtur rezultatin dhe per ta dyfishuar ne fund te takimit. Ne minutën e 88 pas një iniciative te jashtëzakonshme te Felipe Luis, Injesta kapi me dore topin brenda zones, ndërsa nga pika e bardhe e penalltisë Grizman shënoi golin e dyte per madrilenet. Ne minutën e pare te shtesës, topi me dore i prekur ne zone ndodhi ne kampin kundërshtar me kapitenin Gabi, por gjyqtari Rizoli preferoi te jepte goditje dënimi jashtë zonës. Mes tërbimit për vendimin e gjyqtarit, kampionet ne fuqi te Evropës dolën nga skena e turneut prestigjioz, ndoshta duke sjelle trishtim, por me se te merituar për atë çfarë sollën ne fushën e lojës. Ne Da Luz, Benfika doli me kokën lart nga Champions League pas barazimit 2-2 me Bajernin e Mynihut me këta te fundit qe arritën objektivin per ne gjysmëfinale. Te paret qe kaluan ne avantazh ishin vendasit ne minutën e 27 me Himenez i ndihmuar edhe nga nje dalje e gabuar e portierit Neuer. Por 11minuta me vone, gjermanet me formacion surprize pa Levandovskin ne fushe dhe skeme ndryshe, kthyen gjithçka ne baraspeshe fale Arturo Vidal. Me fillimin e pjese se dyte bavarezet kthyen gjithçka ne favor te tyre kur Myller shënoi golin e dyte. Rezultati perfundimtar2-2 u vendos ne minutën e 76 me nje super gol te Talisca ne një goditje dënimi. Shorti per gjysmëfinalet e Champions League, do te hidhet te premten ne orën 11:30 dhe do te transmetohet drejtpërdrejt dhe ekskluzivisht ne platformën Tring.
Atletiko largon nga skena Barcelonën, OK Bajern
