Ashtu sikurse edhe dy vite me pare, historia është e njëjte. Atletico Madrid bën mrekullinë dhe nxjerr serish jashtë Barcelonën nga Uefa Champions League. Los Kolchoneros janë makthi i skuadrës katalanase ne ketë kompeticion dhe ketë e tregoi ndeshja e kthimit çerekfinal ne Vinsente Kalderon, ku madrilenet munden 2 me 0 kampionet ne fuqi te këtij evenimenti. Ky rezultat e ka bërë të pavlefshme fitoren e skuadrës Blagurana në Kamp Nou para 1 jave 2 me 1. Gjithsesi me atë që u pa në fushën e lojës, skuadra e Simeones e meritoi plotësisht kalimin për me tej. Një ekip perfekt ne aspektin taktik dhe me një shpirt të jashtëzakonshëm sakrifice, i frikshëm ne kundërsulm dhe i aftë për t’i lejuar yjeve katalanas vetëm pak raste për shënim. Ndeshja e transmetuar në Vizion Plus dhe platformën Tring u mbyll 1 me 0 në pjesën e parë, me një gol me kokë të Antuan Griezman. Në fraksionin e dytë Barcelona fitoi me shumë metra në gjysmëfushën kundërshtare duke krijuar edhe 2-3 raste, mbi të gjitha me Suarez, por pa mundur të shënoje. Jo vetëm kaq, por një kundërsulm në te 87 e detyroi Iniesten të preke topin me dorë në zonë dhe nga pika e bardhe e penalltisë Griezman dyfishoi rezultatin. Por ashtu sikurse edhe ndeshja e parë, edhe këtë herë polemikat do jene të mëdha, sepse një prekje e topit me dorë nga Gabi në zonën e vet nuk u dha penallti, por vetëm goditje dënimi nga gjyqtari Ricoli dhe kjo shënoi edhe fundin e ndeshjes dhe eliminimin e Barcelonës. Në gjysmëfinale ndërkohe shkojnë edhe gjermanet e Bayern te Mynihut,  të cilët barazuan 2 me 2 ne Lisbone, me Benfiken, por kaluan me tej për shkak të fitores 1 me 0 në ndeshjen e parë në shtëpi.  Ndeshje spektakolare ne Da Luz e transmetuar ne Tring Hd, teksa vendasit kaluan të parët në avantazh me anë të Jimenez në minutën e 27. Por 11 minuta më vonë Vidal barazon rezultatin. Pak nga nisja e pjesës së dyte Myler shënon golin e qetësisë për gjermanet, të cilët pavarësisht se barazohen nga Taliska  në minutën e 76 nuk e rrezikojnë aspak objektin e tyre. Shorti për gjysmëfinalet e Uefa Champions League mes Real Madrid, Bajern Mynih, Manchetsre City dhe Atl Madrid do të hidhet ditën e premte.

 

 

 

 

Leave a Reply

Your email address will not be published.