Është zhvilluar raundi i dytë i negociatave në nivele teknike mes palës shqiptare dhe asaj greke. Ministria e Jashtme njofton se takimi u mbajt në Athinë nën një klimë konstruktive dhe bashkëpunuese.
Ndërsa më herët raundi i parë i bisedimeve mes grupeve teknike, është zhvilluar në Tiranë. Palët vijojnë diskutimet për përcaktimin e kufirit detar mes Shqipërisë dhe Greqisë si dhe për çështje të tjera të ndjeshme si ligji i luftës.
Këtyre negociatave i kanë paraprirë dy takime të nivelit të lartë, një në Kretë dhe tjetri në Korçë mes ministrave të jashtëm Bushati dhe Kocias.
