Deputeti i PD-së Gazment Bardhi, ka reaguar për atentatin kundrejt kreut të Rithemelimit në Vaun e Dejës, Benard Ndrecës, mëngjesin e ditës së sotme.
Bardhi, nëpërmjet një postimi në rrjete sociale, u shpreh se zgjedhjet lokale kanë marrë një goditje të rëndë pas atentatit ndaj Ndrecës dhe se akti kriminal i ndodhur është i papranueshëm.
Deputeti ka shprehur solidaritetin e tij me familjes e Ndrecës dhe ka kërkuar që autorët të vendosen sa më shpejt përpara drejtësisë.
“Zgjedhjet lokale sot kanë marrë një goditje të rëndë. Akti i sotëm kriminal në Vaun e Dejës ndaj Bernard Ndrecës është i papranueshëm dhe thellësisht i dënueshëm. Duke u solidarizuar plotësisht me të dhe familjen e tij, apelojmë që autoritetet ligjzbatuese të zbardhin menjëherë rastin dhe të vendosin përpara përgjegjësisë autorët. Zgjedhjet duhet të jenë shkëmbim idesh e alternativash, dhe kurrsesi luftë e intimidim me metoda kriminale“, shkruan ai.