Atentat gazetarit investigativ

Nje shpërthim bombe ne automjetin me te cilin udhëtonte i ka marre jetën nje gazetari te njohur investigativ bjellorus. 44-vjeçari Pavel Sheremet po shkonte ne pune kur makina shpërtheu ne qendër te kryeqytetit ukrainas Kiev. Sheremenko punonte per nje faqe investigative ne internet, “Ukrainska Pravda”, drejtonte nje emision ne radio, ndërsa ne vitin 1997 ishte burgosur nga qeveria bjelloruse per shkak te raportimeve te tij mbi abuzimet e ekzekutivit. Automjeti i përkiste drejtoreshës se websit-it, qe ishte edhe partnerja e tij, por ajo nuk ndodhej me te ne momentin e shpërthimit Zyra e prokurorit ukrainas konfirmoi se shpërthimi ishte shkaktuar nga nje bombe. Dëshmitaret treguan se kishin dëgjuar nje shpërthim te fuqishëm dhe me pas pane makinën te përfshire nga flaket. Autoritetet kane nisur hetimet per te zbuluar motivet e kësaj ngjarjeje. Presidenti Petro Poroshenko deklaroi se ishte i shokuar nga ky lajm, por do te behet gjithçka per ta hetuar vrasjen. Sheremet ishte edhe analist politik i specializuar ne raportet mes Rusisë dhe Ukrainën. Ai kishte punuar me pare ne TV shtetëror rus dhe njihet si kritik i Kremlinit, por prej disa vitesh jetonte e punonte ne Ukraine.