Policia ka arrestuar autorin e plagosjes së Drejtorit të Ujësjellësit në Bashkinë Shkodër dhe djalit të tij.
Në pranga përfundoi 43-vjeçari me iniciale M. P., i cili pas një konflikti, ka qëlluar me armë zjarri M.M dhe K. M. Ngjarja ndodhi pasditën e së martës, në lagjen “Mark Lula”.
Të plagosurit janë transportuar menjëherë në Spitalin Rajonal Shkodër, ku ndodhen jashtë rrezikut për jetën.
Në momentin e kapjes, uniformat blu i gjetën dhe sekuestruan armën me të cilën 43-vjeçari plagosi 2 shtetasit.