Raundi i 1/8-ve të Uefa Champions League vazhdon sonte në mbrëmje në platformën Tring me dy sfida të tjera.
Momenti i së vërtetës për Atalantën, që pasi përfundoi festa e kualifikimit nga faza e grupeve tashmë kërkon të vazhdojë më tej ëndrrën Champions.
Një moment krenarie edhe për shqiptarët me të vetmin lojtar të kombëtares Berat Gjimshiti prezent në këtë fazë të Champions.
Në San Siro në prani të 40 mijë tifozëve skuadra surprizë e këtij kompeticioni por në një sezon të jashtëzakonshëm me një bombë ofensive për t’u admiruar sfidon spanjollët e Valencias.
Një rast i artë për skuadrën e Gasperinit për të shkruar historinë. Tekniku i bergamaskëve do të luaj në këtë ndeshje me skemën 3-4-1-2 me dyshen fantaziste Papu Gomez Ilicic në sulm dhe prapa tyre Pasalic.
Ndërkohë në kampin kundërshtar spanjollët vinë me mjaft mungesa në këtë përballje ku emergjenca e madhe është në prapavijë.
Kështu dyshja titullare në qendër të mbrojtjes Garay – Gabriel Paulista do të zëvendesohet me Diakaby – Mangala ndërsa në mungesë të Rodrigos, që nga minuta e parë do te jetë Maxi Gomez.
Atalanta shpreson që në këtë ndeshje edhe historia të përsiritet pasi në 8 transfertat e fundit në Itali, Valencia ka fituar vetëm një herë, ndërsa nuk ka gjetur dot rrugën e rrjetës në të pakten 6 ndeshje.
Në ndeshjen tjeter në Londer, Totenhem Hotspur sfidon gjermanët e Lapizig me këta të fundit në një formë të jashtëzakonshme duke luftuar edhe për titullin në Bundesligë.Dhimbje koke për Hoze Murinjon, që në këtë ndsehje i duhet të bëjë pa sherbimet e Harikein , Sisoko dhe koreani Son ndërsa në dyshim janë Lamella dhe Devis.
Në kampin kundërshtar për Laipzig do të mungojnë Upamecano, Adams Kampl Konate dhe Orban .
