Atalanta e Etrit Berishës ndal Juventus ne javën e 34 te serisë A. Ne Bergamo skuadra e Gasperinit barazoi 2-2 me kryesuesit e kampionatit Italian, duke i dhëne nje mundësi me shume Romes se vendit te dyte per t’u afruar me pike. Ne nje ndeshje me shume emocione dhe e pasur me raste, te zotet e shtëpisë e mbyllen pjesën e pare ne avantazh fale golit te Conti ne minutën e 45. Pjesa e dyte me e mire per zonjën e vjetër mjaft agresive, e cila jo vetëm ktheu gjithçka ne baraspeshe pas autogolit te Spinazola, por 7 minuta nga fundi kaloi per here te pare ne avantazh me Dani Alves. Por ne minutën e 89 te takimit Frojler surprizoi bardhezinjte kur shënoi golin e dyte per Atalanten. Një barazim mjaft i hidhur, por edhe shume zemërim ne kampin e Juventus nga vendimet e gjyqtarit, i cili nuk akordoi nje penallti ne favor te tyre, pas nje topi te prekur me dore ne zone nga mbrojtësi Toloi, duke e konsideruar nje pozicion jashtë loje te futbollisteve kundërshtare. Ne te kundërt per Atalanten nje pike mjaft e çmuar drejt objektivit nje vend ne kupat europiane sezonin e ardhshëm.
Vijareal gjithmonë edhe me shume drejt zonës Champions. Ne El Madrigal ne ndeshjen e vlefshme per javën e 35 te kampionatit spanjoll e ashtuquajtura nëndetësja e verdhe fitoi me rezultatin 3-1 ndaj Sporting Gijon, duke ju afruar me 5 pike vendit te trete. Vendasit e mbyllen pjesën e pare ne avantazh pas golit te Soldado per te gjetur rrjetën, edhe dy here te tjera ne te dytën me Bakambu. Goli i nderit per miqtë u shënua ne minutën e 73 nga Periera me Gijon, qe vazhdon te notoje ne ujerat e turbullta te rënies nga kategoria.
Situate e vështire per Bayer Leverkusen vetëm 4 pike larg zonës se play-outit per te qëndruar ose jo ne Bundeslige sezonin e ardhshëm. Ne javën e 31 aspirinat u munden ne shtëpi me rezultatin e thelle 1-4 nga Shalke, duke dëshmuar edhe njëherë situatën mjaft delikate ne te cilën ndodhen. 18 minutat e para asfiksuese per te zotet e shtëpisë ne nje kapitullim total, duke e nxjerre tre here topin nga rrjeta, gola qe mbajtën per protagonist Burgshtaler Hovedes dhe Shopf. Edhe njëherë Burgshtaler shënoi per skuadrën nga Gelsenkirshen me fillimin e pjesës se dyte, përpara se Kisling te ngushtonte diferencën per Bayer Leverksuen. Me kete fitore Shalke me pranë kupës se vogël te europes ne nje lufte te forte me Verder Fraiburg dhe Herta Berlin.
