Atalanta mundi me një përmbysje spektakolare Lazion në javën e 27 të Serisë A, duke i bërë një nder të madh edhe Juventusit sa i takon garës për titullin kampion.
Disfata i kushton shumë kryeqytetasve të cilët tani janë 4 pikë larg bardhezinjve kryesues.
Skuadra e Simone Inzaghit kaloi në avantazh të dyfishtë me një autogol të De Roon dhe realizimin e Milinkovic-Savic.
Mirëpo përmbysja e bergamaskeve ishte vërtet spektakolare falë golave të Gosens, Malinovski dhe Palomino.
Portieri kuqezi Strakosha gaboi në rastin e golit të trete të Atalantes.
Bergamaskët ngjiten në kuotën e 54 pikëve dhe blindojnë vendin e 4 që të con në Champions League.
Lazio sakaq ndodhet ne kuoten e 62 pikeve.