Astrit Patozi prezanton një nga kandidatët për deputet të Bindjes Demokratike në Qarkun e Korçës, Leonard Ollin.
Përmes një postimi në “Facebook”, Patozi shkruan se Olli ka një eksperiencë të pasur në administratën publike dhe në fushën e medias.
“LEONARD OLLI, KOORDINATOR I BINDJES DEMOKRATIKE PËR KORÇËN. Ashtu si në zgjedhjet vendore të vitit 2019, Bindja Demokratike do të përfaqësohet sërish në qarkun e Korçës me politikanin e njohur Leonard Olli. Themelues dhe anëtar i Bordit Drejtues të forcës sonë politike, që me krijimin e saj, ai do të jetë koordinator në një prej zonave më mbështetëse për Bindjen Demokratike. Me një eksperiencë të pasur në administratën publike dhe në fushën e medias, zoti Olli spikati si personazh politik në mënyrë te veçantë, kur drejtoi grupin e këshilltareve opozitarë përballë Erjon Veliajt, gjatë viteve 2015-2019. Si gazetar dhe figurë e njohur publike ai ka qenë gjithmonë një kontribues ne debatet mediatike. Korça kësaj here pritet të jetë në krye të ndryshimit, që do të shprehet me mbështetjen ndaj Bindjes Demokratike dhe kandidatëve të saj.”
