Asnjë negociatë për kufirin detar

Që nga momenti kur Gjykata Kushtetuese shqiptare rrëzoi si antikushtetues marrëveshjen mes Greqisë dhe Shqipërisë për kufirin detar, mes dy vendeve nuk ka pasur negociata për zgjidhjen e çështjes. Ministri i Jashtëm Ditmir Bushati, tha se Tiranas zyrtare kërkon zgjidhje përmes dialogut. Gjatë raportimit në Komisionit të Jashtëm, rreth vizitës të para pak kohëve në Greqi, ministri Bushati, u ndal edhe tek ligji i luftës, të cilin Athina zyrtare juridikisht e mban ende në fuqi. Ndonëse ky ligj nuk sjell pasoja në raportet mes dy vendeve, për më tepër anëtare të NATO-s, reflektimi shkon direkt tek zgjidhja e problemit të pronave të shqiptarëve në Greqi. Ministri Bushati argumentoi se heqja e ligjit të luftës nga Greqia, do të çlironte energji pozitive dhe do të rivendoste një të drejtë të munguar.