Asnjë efekt nga marrëveshja për emigrantët

Marrëveshja e arritur pak dite me pare nga liderët evropiane per rikthimin e emigranteve nga Greqia drejt Turqisë, duket se nuk po jep rezultate. Asnjë refugjat nuk është zhvendosur ende, ndërsa autoritetet greke po përballen me fluks zbarkimesh te reja. Grupe vëzhguesish nga Turqia kane mbërritur ne ishujt greke Lesbos e Kios, ku janë përqendruar nje numër i madh emigrantesh per te bashkëpunuar me përfaqësuesit greke e per te ndihmuar ne zbatimin e marrëveshjes qe synonte frenimin e valës se refugjateve. Ne fakt, jo pak dyshime linden përpara diskutimeve ne Bruksel për efektivitetin e ketij pakti qe kërkon shtimin e numrit te përkthyesve, stafit mbështetës per rishikimin e aplikimeve per azil, por edhe te pjesëtareve te Frontex dhe policisë.
Situata kaotike mbizotëron ne vendet ku strehohen emigrantet, përfshire edhe kampin ne Idomeni, ku gjenden 12 mije persona. Qeveria greke ne raportin e përditësuar te shifrave te emigranteve njoftoi se aktualisht numri i tyre i ka kaluar 50 mije. Me shume se gjysma e tyre janë strehuar ne veri te vendit, ndërsa 5 mije ne ishuj. Zhvendosjet e refugjateve brenda territorit grek vazhdojnë. Se fundi rreth 1200 refugjate janë transportuar nga Porti i Elefsinës drejt qytetit të Janinës prane kufirit me Shqipërinë. Megjithatë kushtet ne keto vendstrehime jane te vështira dhe emigrantet kane bere rezistence. Ata kërkojnë rikthimin ne Athine me shpresën per te vijuar me pas udhëtimin drejt vendeve te BE.