Ashpersimi i ligjit për armët

Ligji i ri per armët, i cili pritet të hyjë në fuqi pas miratimit të akteve nënligjore dhe udhëzimeve te ministrit parashikon tre kategori të armëmbajtjes. Sipas hartuesit të akteve, njëherësh Nëndrejtor i Policisë së Tiranës, kategoritë ndahen në armëmbajtje në vendbanim, në lëvizje dhe të posaçme. Për të treja këto, çdo qytetar duhet të plotësojë disa kushte. Ziu thotë se ligji është mjaft i rreptë në dhënien e lejeve, ndërkohë që kanë vërshuar kërkesat nga deputetët e gjyqtarë të cilët kërkojnë të mbajnë armë në lëvizje. Nëndrejtori i Policisë së Tiranës, thotë se kërkesa ka dhe nga biznesmenët të cilët duan armë në lëvizje, por si në rastin e politikanëve dhe gjyqtarëve, shanset për të marrë një leje të tillë janë të pakta, pasi nuk plotësohen kriteret ligjore.