Asambleja parlamentare e nato-s miratoi sot rekomandimin për avancimin e statusit të Kosovës, nga anëtare vëzhgues, në anëtare të asociuar. Gjatë votimit, një vend u shpreh kundër ndërsa 14 të tjera abstenuan.
Kryesuesi i delegacionit të Kosovës Driton Hyseni përshëndeti verdiktin e asamblesë.
“Letrat e shumta e përpjekjet e vazhdueshme të delegacionit të Serbisë por edhe të akterëve tjerë politik në Beograd nuk ja dolën të ndalin Kosovën drejt avancimit të statusit”, tha Hyseni.
Edhe presidentja Vjosa Osmani e mirepriti votën pro në asamble.
“Ky vendim do të garantojë se do të dëgjohet zëri i popullit më pro-NATO në gjithë botën. Ne do t’i vazhdojmë përpjekjet tona, bashkë me aleatët, që të avancojmë në rrugën tonë drejt anëtarësimit në NATO”, tha Osmani.
Tashmë me statusin e ri të anëtarit të asociuar, Kosova mund të paraqesë rezoluta apo edhe ndryshime në rezoluta, por nuk ka të drejtë të votojë. /vizionplus.tv
