As në Maqedoninë e Veriut nuk hyni dot lirisht, ja dokumentet që ju duhen

Me ardhjen e vjeshtës dhe shtimit të rasteve me Delta, vendet iu rikthyen masave kufizuese në kufi. Lëvizja drejt Maqedonisë së Veriut tani është e kushtëzuar me disponimin e certifikatës së vaksinimit.

Ata që nuk janë të vaksinuar, duhet të kryejnë testin PCR jo më vonë se 72 orë nga udhëtimi ose testin e shpejtë antigen jo më vonë se 48 orë.

Masat e reja kanë hyrë në fuqi këtë të mërkurë (1 shtator), ndërsa Drejtoria Vendore e Kufirit dhe Migracionit Korçë njoftoi se ata që do të udhëtojnë tranzit për në Maqedoninë e Veriut, duhet të plotësojnë një deklaratë në pikat e kalimit kufitar.