Projekti i qeverisë për fshatrat turistikë me atë treguesin 100+ që do të thotë se ka shanse të përfshirjes më të gjërë, ka ngjallur shpresat e rimëkëmbjes edhe në Devollin e sipërm.
Më saktë të nxjrjes nga harresa të disa fshtarave si Arza, Qyteza, Nikolica dhe Sinica. Sinjalin për zhvillimin e tyre, banorët e marin nga organizimi që do të bëhet më 14 nëntor në fshatin Arzë për projektin e Akademisë të 100 fshatrave. Përfaqesues nga fshati Arzë dhe bashkia Devoll do të ulen për të diskutuar me përfaqesuesit e ministrive përkatëse.
Siç ka ndodhur me takime të tilla në Voskopojë e Dardhë, shqyrtohen potencialet turistike, mundësia e investimeve dhe nevojat e komunitetit në këtë drejtim. Banorët e Arzës, mendojnë se fshati i tyre e meriton të përfshihet në ‘Akademi’ me drejtim zhvillimin e turizmit rural.
Ata I mbështesin pretendimet e tyre në historikun e vjetër të fshatit, traditat, resurset natyrore që favorizojnë zhvillimin e suksesshëm të turizmit malor. “Arza nuk do lëmoshë, por atë që I takon për zhvillimin turistik” shprehen banorët.
Përfshirja në projekt i hap prespektiva edhe fshatrave të tjera në Devollin e sipërm. Por gjithshka duket si një garë mes fshatrave me potenciale turistike që synojnë të përfitojnë nga “Akademia”.
Sepse nuk dihet ende se kush do të seleksionohet si fitues në këtë projekt.
