Arvizu rikthehet në PD

Aleksandër Arvizu eshte kthyer pas rreth 2 vitesh ne selinë e Partisë Demokratike, kete here me cilësinë e zv/ndihmës sekretarit amerikan të shtetit për çështjet e sundimit të ligjit dhe trafikut ndërkombëtar narkotik. I shoqëruar nga ambasadori Donald Lu, Arvizu ka takuar kryetarin e Partise Demokratike, Lulzim Basha, me te cilin ka diskutuar rreth zhvillimeve ne vend. Fundi i mandatit te Aleksander Arvizut ne Shqipëri si ambasador u shoqërua me përplasje te forta me opozitën aq sa ish-kryeministri Sali Berisha deklaroi asokohe se ambasadori po largohej nga Shqiperia si mik i kryeministrit Edi Rama. Por edhe ambasadori aktual amerikan Donald Lu, duket se ndodhet ne te njëjtën situate. Vetëm pak dite me pare, ai u tregua i ashpër ndaj Partisë Demokratike dhe vendimit te saj per te çuar ne Gjykatën Kushtetuese, ligjin e vetingut, duke theksuar se PD, rrezikon te shihet nga shqiptaret si nje parti qe po mbron gjyqtaret e prokuroret e korruptuar.