Ajo ka qenë një nga këngëtaret më të dashura të viteve 80-90 në Shqipëri. Bëhet fjalë për Parashqevi Simakun, këngët e së cilës dëgjohen edhe sot e kësaj dite, kur nuk kemi asnjë lajm prej saj.
Vite më parë u përfol se këngëtarja vuante nga një sëmundje e rëndë (paralizë faciale), por përsëri nuk kemi pasur asnjë reagim prej artistes shqiptare apo familjarëve të saj. Megjithatë, dritare.net ka postuar sot një intervistë të vitit 1997 të Simakut dhënë gazetares Rudina Xhunga. Në këtë intervistë, këngëtarja rrëfen arsyet e largimit nga Shqipëria, martesën e saj në Amerikë, si dhe një dashuri të fortë që la pas në Shqipëri.
Një pjesë e intervistës të Parashqevi Simakut:
Na thoni një datë që e veçoni nga të tjerat?
-Dita e të dashuruarve. Më 14 shkurt 96, Robert, im shoq, më propozoi martesë. Atë mbrëmje shkurti ai më ftoi në restorantin “Xhons” të Beverly Hills, ku më dhuroi unazën e familjes së tij. Më pas mësova se po në atë restorant ishte martuar edhe Marilyn Monroe.
