Artistët dhe opozita protestojnë sot sërish për shembjen e Teatrit Kombëtar

Në orën 17.30 të kësaj të mërkure artistë, aktivistë të shoqërisë civile dhe opozitarët pritet të mblidhen sërish tek hyrja e “Pedonales” për të protestuar për shkatërrimin e godinës së Teatrit Kombëtar.

Aleanca për Mbrojtjen e Teatrit, që organizon edhe tubimin, kërkon të lirohen aktivistët si edhe drejtësi. Artistët protestuan edhe të hënën, ndërsa e marta ishte “pushim” në respekt të Natës së Kadrit.

Gjatë tubimit të mbajtur të hënën ra në sy se opozitarët u përjashtuan nga foltorja si edhe pati një përleshje mes vetë protestuesve.