Të mbrojmë gjuhën shqipe. Kjo ishte kryekërkesa e kryeministrit Edi Rama në kongresin dedikuar arsimit cilësor dhe gjithëpërfshirës drejt Bashkimit Evropian.
EDI RAMA
KRYEMINISTER I SHQIPERISE
Është koha për ta diskutuar futjen e gjuhës shqipe në çdo nivel të arsimimit. Është gjë e madhe e bëjmë mirë që kërkojmë në vazhdimësi të dijmë sesa të aftë janë të rinjtë tanë për të foluar anglisht por është një mangësi që nuk kemi të njëjtin sisitem për gjuhën tonë amtare, të cilën e marrim si të mirëqenë.
Si mënyrë për të forcuar gjuhën shqipe që si shumë të tjera po rrezikohen nga teknologjia, Edi Rama sheh përdorimin e abetares së unifikuar në çdo hapësirë shqipfolëse përveç se në vendin tonë dhe Kosovë.
EDI RAMA
KRYEMINISTER I SHQIPERISE
Maqedonia e Veriut e ka aprovuar në parim, po ashtu kemi filluar të diskutojmë me Malin e Zi , me Serbinë për gjithë shqiptarët e Luginës së Preshevës, e me tutje. Kemi filluar të diksutojmë me Kosovën për planin e përhapjes në të gjithë disaporën.
Si krahasim se sistemi i arsimit nën qeverisjen e socialistëvë nuk është nën thundrën e politikës, kryeministri solli këtë shembull.
EDI RAMA
KRYEMINISTER I SHQIPERISE
Më bëri përshtypje një kronikë e një mësueseje më kontratë të përkohshme, e cila ankohej për situatën në të cilën gjendej. Arsyeja pse e konsideronin viktimë të politikës ishte sepse kjo mësuese ishte shumë aktive në takimet që organzohen nga grupi “Shqipëria në rrezik”. Duke sidoqoftë konkurruar në portalin, “Mësues për Shqipërinë”, sot kur rezultatet janë shpallur, është fituese për të marrë një vend pune të përhershëm.
Për të luftuar ikjen e të rinjve drejt evropës, dy ambasadorët, amerikan dhe britanik theksuan se vetëm përmes arsimimit Shqipëria mund të bëjë përpara.
YURI KIM
AMBASADORE E SHBA NE TIRANE
Arsimimi do jetë kyç se sa shpejt do lëvizni e sa përparim do të bëni. Mbështetja jonë është e rëndësishme pasi ne duam t’ju shohim tërësisht të integruar në Evropë. Mbështetja për politikën tuaj arsimore është po aq e rëndësishme për ne sa është mbështetja jonë për reformën në drejtësi e luftën kundër korrupsionit.
ALASTAIR KING SMITH
AMBASADOR I BRITANISE SE MADHE NE TIRANE
Besoj se keni parë një zhvillim tragjik, largimin e shumë të rinjve, sidomos në verë, për shkak të mungesës së mundësive. Këta të rinj shfrytëzohen nga kontrabandistët e qenieve njerëzore dhe ne i nxisim të ndalojmë, jo vetëm sepse premtimet për pasurimin e shpejtë janë gënjeshtra pasi do të përfshihen në kriminalitet dhe drogë, por sepse kushtet do të bëhen të rrezikshme. Deti do të jetë më i rrëmbyer dhe moti më i ftohtë. Ndaj u bëj thirrje të rinjve të mos udhëtojnë në mënyrë të jashtëligjshme. Rruga e suksesit nuk varet nga gomonet, por nga arsimimi.
Teknologjia është synimi i mazhorancës qeverisëse. Ajo që nisi me 9 vjeçaren “Jeronim De Rada” në Tiranë me hapjen e laboratorëve për mësimin e teknologjisë digjitale do të jetë në të gjitha shkollat e vendit deri në përfundim të mandatit të tretë qeverisës të socialistëve.
