Autoriteti Rrugor Shqiptar ka informuar qytetarët shqiptarë mbi gjendje e akseve kombëtare.
Në njoftim thuhet se gjatë natës kanë vazhduar reshjet e shiut në të gjithë territorin, por pa sjellë probleme të mëdha me qarkullimin.
“Vazhdon qarkullimi normal në të gjitha akset kombëtare. Rënia e materialeve në segmentet: Ura e Kranës Syri i Kaltër, Lukovë-Bunec, Librazhd-Elbasan, në Kalimash km 107 dhe Shkopet-Ulëz është mbajtur gjithe kohën nën kontroll, për të mos sjellë probleme në qarkullim.”
Për shkak të temperaturave të ulëta, rekomandohet që në rrugën e Dardhës nga “km 6 deri në km 12 të qarkullohet me zinxhirë”.
“Kontraktorët janë në gadishmëri për përballimin e çdo situate që mund të paraqitet”, theksohet në njoftimin e ARRSH-së.
