Arrestohet vrasësi i Velipojës/ Kapet në Itali 19-vjeçari i akuzuar si një nga autorët e masakrës

Arrestohet në Rimini një nga autorët e dyshuar të masakrës së Velipojës, ku mbetën të vdekur 4 persona pas konfliktit për shezlongët.

Ai është 19 vjeçari, Elmilind Dyli, i shpallur në kërkim ndërkombëtar për vrasje dhe armëmbajtje pa leje.

Dyli fshihej në zonën e Riminit në Itali dhe jetonte atje së bashku me anëtarë të tjerë të familjes. Autoritetet italiane kanë dhënë masën e arrestit të përkohshëm derisa të kryhet ekstradimi drejt vendit tonë.

Në masakrën e Velipojës u vranë 4 persona dhe u plagosën 2 të tjerë pas një konfikti për menaxhimin e hapësirës bregdetare.